9.1. Mis ma tämīezõ neiz

Tekst Stalte (2011) aabitsast.

Mis se um?

Lug ja tulk

Vȯļ pūolīe, ku uņ lekš jarā. Amād magīzt. Ma kūliz tuoiz tubās rõkāndimizt ja lițīkšimizt. Ma ropīz lovāld ulzõ ja lekš vaņtlõm. Ma pīliz salliz uks vail. Ja mis ma neiz! Lēna pipā ja jemā kafēkōna pidīzt kōzgiņi. Mȯlmõdõn vȯļt papīerst rūožõd rīndad jūs ja pipā pidīz kafēkōna kädakātõks jūs vizās. Kōznikīdi vȯļ täuž pȭrand.
Padā ja paņ teit kōdskiņ muzīkõ, munt amād dāņtšizt. Sidtaņgõd kīerizt mändriksõks, izā filtssōpkõd īekizt tsišibīškõks. Amād paņt siegāmõl vāldiņ labajālga valsõ. Kafētassõd ja tēglōzõd vīerizt nemē kīerad īdst sāinast tuoiz jūr. “Algid tīegid neijen märrõ!” rīḑliz vanāǟma, kuolmjaļgi raj. “Perīrovst virgõbõd, siz um vītš lebbõ.” Agā siedā iz pan mitikš tǟdõl.
Neikōgiņ nagrizt ja dāņtšizt, kuņtš ikš kafētas ailiz tsukkõrdūožõks kubbõ. Kafētasõn lekš ōz kilgst jarā ja tsukkõrdūož sadīz immõr. Amā tsukkõr pȭrandõl laigāld. “Kas ma iz kīt!” poțīkšiz vanaǟma raj. Amād ädāgizt väggõ jarā ja jūokšizt jegāikš eņtš kūožõ. Ma pugīz tāgiž lovvõl. Jemā arriz ūoņdžõl, ku sūorkõd āt sīe ligā tīend.

Kērat õigizt formõd ja vastāt kizzimiztõn

Add the missing part of a particle / phrasal verb and answer the question.
Kunā uņ lekš ………………..? Mikšpierāst?
Kust ta (nīžiji) ropīz ……………………..? Ja mis ta neiz?
Midā mitikš iz pan ………………………?
Mis siz sugīz? Minkõks ikš kafētas ailiz …………………?
Või kafētasõn lekš ōz kilgst ………………… ?
Kis sadīz ……………………..?
Või amād ädāgizt väggõ ……………………..?
Mis jemā arriz ūoņdžõl?