liivikeel
9.3. Rikāz rānda
Rikas rand
Vaņtligid, kui piedāg tikkiž
Kūldatõd um kȭnka pǟl,
Ammõ randõ pǟvaļikīs
Nǟtõ kūldas pāistam sǟl.
Kajāgõn āt õbdizt tībõd,
Samti am um kākuoļõn,
Ōrõnd nei īž tõurõd lībõd
Rāndadīban, sportistõn.
2x: Mis tēg minnõn kītõt kūldast,
Õbdõst, mis um mōnallõ,
Kīenta vȯtšõmõst um mūldast,
Tulgid īņõz miernaigõ.
Etagõd sīn pūol eņtš sīlma,
Sīn, kus pǟva lūojõ lǟb;
Kus siz vȯlks kil iļ mōīlma
Neijen rikūzt, kui sǟl nǟb.
Sǟl nǟb neijen kuldõ lāistam,
Kuijen tõvā mier īd um,
Siegās valdõ õbdõ pāistam
Lāinõd tutkāmis kui lum.
2x: Mis tēg minnõn kītõt kūldast,
Illõ ailõb purpur pīla,
Allõ laint um dimanti.
Amā immõr rikāz vīļa
Äbnimtõd ja ädsmingi.
Kädud imlõs kubbõ pānda
Tēg set võikst ja īdsõ sūs
Kītõ sǟl: “Ūod rikāz, rānda,
Seļļizt rikūzt äb ūo mūs”.
2x: Mis tēg minnõn kītõt kūldast …
